Tal e como sabedes hai decretado o Estado de Alarma para a xestión da situación de crisis sanitaria ocasionada polo COVID-19, aprobado polo Real Decreto 463/2020, publicado o 14 de marzo no BOE.
Entre as moitas disposicións e regulacións que establece este Real Decreto figura na disposición adicional terceira a Suspensión de prazos administrativos.
Indícase o seguinte:
1. Suspéndense termos e interrómpense os prazos para a tramitación dos procedementos das entidades do sector público. O cómputo dos prazos renovarase no momento en que perda vixencia o presente real decreto ou, no seu caso, as prórrogas do mesmo.
2. A suspensión de termos e a interrupción de prazos aplicarase a todo o sector público definido na Lei 39/2015, do 1 de outubro, do Procedemento Administrativo Común das Administracións Públicas.
Con esta medida, queda interrompida a matrícula para os procesos selectivos (oposición) de Educación que se abrira o venres 13.
Esta matrícula volverá a abrirse no momento en que se dea por finalizado o estado de alarma, que agardemos sexa á maior brevidade posible.
