O.P.E. XUNTA 2018. Administración Xeral.

| Actualidade |

A oferta pública de emprego deste ano 2018 que foi aprobada no Consello da Xunta do 13 de decembro, incluirá 1.448 prazas de libre acceso na administración xeral, ademais doutras 150 de promoción interna e 577 prazas para a funcionarización de persoal laboral.

Detallamos a continuación o desglose por especialidades:

ACCESO LIBRE:

Auxiliar administrativo 93 prazas
Subalterno 89 prazas
Psicólogos 33 prazas
Educadores 27 prazas (+35 2017)
Traballo social 10 prazas (+25 2017)

 

ESTABILIZACIÓN

Auxiliar administrativo 75 prazas
Subalterno 127 prazas
Educadores 24 prazas
Traballo social 26 prazas
Terapia ocupacional 33 prazas
Auxiliares clínica 100 prazas

 

En Nós Oposicións, iniciamos a preparación de varias especialidades no mes de xaneiro de 2019.

Infórmate sen compromiso.

Axudámosche a conseguir un futuro laboral estable.

Aproveita a oportunidade!!!!

 

+ Info: Consello da Xunta de Galicia do 13-12-2018.

https://www.xunta.gal/c/document_library/get_file…

Consultar a partir da páxina 5.

 

XUNTA DE GALICIA.

A OFERTA DE EMPREGO PÚBLICO DA ADMINISTRACIÓN XERAL DA XUNTA PARA 2018 MEDRA ATA AS 2.225 PRAZAS.

– Do total de prazas, 1.448 son de acceso libre.
– No eido das consellerías a Xunta oferta 204 prazas de auxiliares e 217 de subalterno
– No eido social, ofértanse 165 prazas de auxiliares de clínica, 55 de psicólogos, 51 de educadores sociais e 36 de traballadores sociais

Con esta oferta, que foi aprobada co voto a favor dos sindicatos CC.OO. e UGT, a Xunta cumpre xa máis da metade das 15.000 prazas comprometidas no Plan de Estabilidade ata 2020.

A oferta de emprego público da Administración xeral da Xunta de Galicia para o ano 2018 disporá dun total de 2.225 prazas, segundo establece o decreto aprobado hoxe polo Consello da Xunta e que será publicado nos vindeiros días no Diario Oficial de Galicia (DOG).

Do total de prazas na Administración Xeral, 1.448 son de acceso libre –polo tanto, abertas a persoas que queiran traballar na Xunta–, mentres que as 777 restantes están reservadas para a promoción interna do persoal da Xunta de Galicia, incluíndo neste apartado o primeiro proceso xeral de funcionarización do persoal laboral fixo que se fai na Administración galega.

Dentro do acceso libre, as novas prazas permitirán reforzar eidos de actuación prioritarios na Xunta de Galicia como os servizos sociais, a loita contra a fraude fiscal, o servizo de extinción e prevención de incendios, o asesoramento xurídico ou os servizos xerais e de administración.

Por exemplo, a oferta de emprego aprobada hoxe inclúe 204 prazas de auxiliares (C2); 217 de persoal subalterno; 70 no servizo de prevención de incendios, na escala de bombeiro forestal (C2); 165 de auxiliares de clínica (C2); 55 de psicólogos (A1); 51 de educadores sociais (A2); ou 36 prazas de traballadores sociais (A2).

Promoción interna e funcionarización
Ás prazas de acceso libre súmanse outras 200 prazas para a promoción interna de persoal funcionario, uns procesos reservados a empregados públicos que xa son funcionarios e que poden acadar un ascenso a postos de traballo de maior responsabilidade e retribución.
Ademais, como novidade este ano, inclúense outras 577 prazas para o proceso de funcionarización voluntaria do persoal laboral fixo.

Personal funcionario en sanidade
Ademais do decreto de oferta de emprego público da Administración xeral, o Consello da Xunta tamén deu luz verde a outro decreto de oferta de emprego público para persoal funcionario sanitario da escala de saúde pública e administración sanitaria (Lei 17/1989), cun total de 61 prazas, das cales 7 corresponden á taxa ordinaria de reposición de efectivos e 54 á taxa adicional para a estabilización de emprego temporal no sector da saúde pública e administración sanitaria.
Entre as clases que serán obxecto de oferta destacan as de inspectores médicos, inspectores farmacéuticos ou farmacéuticos inspectores de saúde pública.