ANPE GALICIA – INFORMA – ÚLTIMA HORA!!
INTERINOS E INTERINAS: PRAZAS DE ESTABILIZACIÓN A CONVOCAR POR CONCURSO DE MÉRITOS EN TODO O ESTADO
*(Información de parte do sindicato ANPE Galicia que vos facemos chegar por se fose do voso interese).
CONSULTA as prazas a convocar por concurso de méritos nas distintas CCAA e por corpos e especialidades: https://www.anpe.es/concurso-meritos-270-2022
LEMBRA QUE: Galicia NON PARTICIPA de forma conxunta co resto do Estado polo que publicará antes de fin de ano a súa propia convocatoria. Nas CCAA que si participan de forma conxunta o prazo provisional de presentación de solicitudes será do 21 de novembro ao 21 de decembro.
Aínda que as convocatorias se fagan en cada CCAA poderanse pedir prazas de calquera das CCAA participantes: polo momento TODAS menos Galicia, Cataluña e País Vasco que realizan convocatorias propias.
A solicitude presentarase na Comunidade Autónoma da primeira petición e realizarase unha por cada especialidade na que se participe.
Neste concurso de méritos non hai máis requisito para participar que o de titulación que habilite para a docencia segundo o RD276/2007 e as súas modificacións posteriores e o de lingua propia, segundo a Comunidade Autónoma.
O baremo e os criterios a aplicar basearanse no recollido no RD270/2022 para estas prazas de estabilización por concurso de méritos.
