Policía Nacional

ESCALA BÁSICA DE POLICÍA NACIONAL

• REQUISITOS
• PROBAS DE SELECCIÓN DA OPOSICIÓN
• CURSO DE FORMACIÓN E PERIODO DE PRÁCTICAS
• TEMARIO
• ANOTACIÓNS DE INTERESE
• CONVOCATORIAS

REQUISITOS

Para ser admitido á práctica das probas selectivas será necesario reunir, antes de que remate o último día de prazo de presentación de solicitudes, os seguintes requisitos:

• Ser español.
• Ter 18 anos de idade e non cumprir os 30.
• Ter unha estatura mínima de 1,65 metros os homes, e 1,60 metros as mulleres.
• Estar en posesión ou en condicións de obter o título de Graduado en Educación Secundaria Obrigatoria ou outro equivalente ou superior.
  Esta titulación ha de posuirse antes de finalizar o prazo de presentación de instancias, se ben deberá acreditarse cando se compareza á realización da cuarta proba.
• Compromiso de portar armas e, no seu caso, chegar a utilizalas, que se prestará a través de declaración do solicitante.
• Non ser condenado por delito doloso, nin separado do servizo do Estado, da Administración Autonómica, Local ou Institucional, nin se achar inhabilitado para o exercicio de funcións públicas.
• Estar en posesión dos permisos de condución das clases A (Real Decreto 772/1997) ou A2 (Real Decreto 818/2009), B e da autorización (BTP) para conducir os vehículos a que refire o artigo 7.3 do Regulamento Xeral de Condutores. Os permisos da clase A e a autorización (BTP) deberán obterse con anterioridade á data que se fixe en cada convocatoria.

PROBAS DE SELECCIÓN (OPOSICIÓN)

Probas de carácter eliminatorio.

1) PROBA DE COÑECEMENTOS:

50 minutos para responder un test de 100 preguntas sobre o temario( 3 respostas solo unha verdadeira)

TEMARIO:

25 temas divididos en:

• Ciencias Xurídicas: 12 temas
• Ciencias Sociais: 8 temas
• Materias técnico científicas: 5 temas

(Podes consultar o temario mais abaixo)

PUNTUACIÓN: Puntúa de 0-10. É necesario obter un 5 para pasar á seguinte fase.

2 ) PROBAS FISICAS:

Primeiro exercicio: AXILIDADE. Consistente na realización dun circuíto.

Segundo exercicio: FORZA FLEXORA; os homes flexión de brazos sobre barra e as mulleres resistencia cos brazos flexionados sobre a barra.

Terceiro exercicio: SALTO VERTICAL.

Cuarto exercicio: RESISTENCIA. 2000 m homes e 1000 m mulleres (un só intento)

PUNTUACIÓN: Cada exercicio puntúa de 0-10. Un cero nun dos exercicios significa a eliminación do candidato.

CUALIFICACIÓN: é a nota media obtida en cada proba. É necesario obter como nota mínima un 5.

REQUISITOS PARA A REALIZACIÓN DESTA PROBA:

• Vestimenta deportiva.
• Certificado Médico Oficial que acredite que o aspirante reúne as condicións necesarias para a realización das pruebas.( non presentar o certificado supón a exclusión do aspirante no proceso selectivo).

3)PROBA PSICOTECNICA

Esta proba está dividida en dúas partes, por un lado os test psicotécnicos para determinar a personalidade e a aptitude do aspirante para o desempeño da aptitude policial e por outro lado a entrevista persoal.

PUNTUACIÓN: Ambas  partes puntuaran conxuntamente e o tribunal fixará a puntuación mínima para cada unha delas.

CUALIFICACIÓN: nesta proba non será numérica, será de "apto" ou "non apto".

4) RECOÑECEMENTO MEDICO:

Unha vez que os aspirantes superen as probas anteriores deberán de pasar un recoñecemento médico para comprobar que non están dentro no cadro de exclusións médicas, que é o seguinte:

TALLE: mínima nos homes de 1.65 e de 1.60 para as mulleres.

OBESIDADE/DELGADEZA: medido a través do IMC. Non serán aptos aqueles que estean por debaixo de 18  ou  que superen os 28, tanto en homes coma en mulleres.

EXCLUSIÓNS CIRCUNSTANCIAIS:

Enfermidades ou lesións agudas ou activas no momento do recoñecemento.

EXCLUSIÓNS DEFINITIVAS:

OLLO E VISIÓN:             

• Agudeza visual sen corrección inferior aos dous terzos da visión normal en ambos os dous ollos.
• Queratotomía radial.
• Desprendemento de retina.
• Estrabismo.
• Hemianopsias.
• Discromatopsias.
• Calquera outro proceso patolóxico que, a xuízo do Tribunal Médico, dificulte de xeito importante a agudeza visual.

OIDO E AUDICIÓN:

OUTRAS EXCLUSIÓNS:

• Aparato locomotor: Alteracións do aparato locomotor que limiten ou dificulten o desenvolvemento da función policial, ou que poidan agravarse, a xuízo do Tribunal Médico, co desempeño do posto de traballo. (Patoloxía ósea de extremidades, retraccións ou limitacións funcionais de causa muscular ou articular, defectos de columna vertebral e outros procesos óseos, musculares e articulares).
• Aparato dixestivo: Úlcera gastro-duodenal e calquera outro proceso dixestivo que, a xuízo do Tribunal Médico, dificulte o desempeño do posto de traballo.
• Aparato cardiovascular: Hipertensión arterial de calquera causa, non debendo superar as cifras en repouso os 145 mm./Hg en presión sistólica, e os 90 mm./Hg en presión diastólica; varices ou insuficiencia venosa periférica, así como calquera outra patoloxía ou lesión cardiovascular que, a xuízo do Tribunal Médico, poida limitar o desempeño do posto de traballo.
• Aparato respiratorio: A asma bronquial, a broncopatía crónica obstrutiva, o neumotorax espontáneo (en máis dunha ocasión), a tuberculose pulmonar activa e outros procesos do aparato respiratorio que dificulten o desenvolvemento da función policial.
• Sistema nervioso: Epilepsia, depresión, xaquecas, tremor de calquera causa, alcoholismo, toxicomanías e outros procesos patolóxicos que dificulten o desenvolvemento da función policial.
• Pel e faneras: Psoríase, eccema, cicatrices que produzan limitación funcional e outros procesos patolóxicos que dificulten ou limiten o desenvolvemento da función policial.
• Outros procesos patolóxicos: Diabete, enfermidades transmisibles en actividade, enfermidades de transmisión sexual, enfermidades inmunolóxicas sistémicas, intoxicacións crónicas, hemopatías graves, malformacións conxénitas, psicose e calquera outro proceso patolóxico que, a xuízo do Tribunal Médico, limite ou incapacite para o exercicio da función policial

**EXERCICIO VOLUNTARIO DE IDIOMAS:

Os aspirantes poderán realizar un exercicio voluntario de idiomas, a elixir entre francés e inglés, que podería mellorar a nota alcanzada na proba de coñecementos ata dous puntos, o nivel esixido será polo sistema xeral no ensino básico obrigatorio.

CUALIFICACIÓN FINAL

A cualificación final é a suma das puntuacións obtidas na proba de coñecementos (incluída a proba de idiomas) e as probas físicas.

Os aspirantes que superen a fase de oposición e tivesen o servizo militar cumprido engadiráselles á cualificación final a seguinte puntuación:

Militar de recrutamento:

• Servizo militar cumprido na súa totalidade como militar de recrutamento: 0,10 puntos.

• Servizo militar cumprido de forma parcial por un período superior á metade do tempo establecido conforme á normativa vixente no momento do seu cumprimento: 0,05 puntos.

• Militar de emprego:

  • Período cumprido de 18 meses: 0,20 puntos.

  • Período cumprido de 24 meses: 0,25 puntos.

  • Período cumprido de 36 meses: 0,30 puntos.

  • Período cumprido de 4 anos: 0,35 puntos.

  • Período cumprido de 5 anos: 0,40 puntos.

  • Período cumprido de 6 anos: 0,42 puntos.

  • Período cumprido de 7 anos: 0,44 puntos.

  • Período cumprido de 8 anos: 0,46 puntos.

  • Período cumprido de 9 anos: 0,48 puntos.

  • Período cumprido de 10 anos: 0,50 puntos.

  • Período cumprido de 11 anos: 0,52 puntos.

  • Período cumprido de 12 anos: 0,54 puntos.

 

CURSO DE FORMACIÓN E PERIODO DE PRÁCTICAS

Unha vez que os opositores superen a fase de oposición e presenten a documentación necesaria no prazo esixido ingresarán no Centro de Formación da División de Formación e Perfeccionamento para a realización dun curso académico irrepetible integrado por materias que estableza o plan de estudio vixente.

Cada materia avaliarase de 0-10, sendo necesario obter un 5 en todas as materias para poder realizar o módulo de formación práctica, unha vez que se acceda ao devandito módulo, valoraranse trazos persoais como a responsabilidade, dedicación, disciplina, traballo en equipo, decisión...,sendo necesario a obtención dun 5 en cada unha delas.

Este módulo é irrepetible salvo causa xustificada.

TEMARIO

 

A) CIENCIAS XURÍDICAS

• Tema 01: O dereito: Concepto e acepcións. As normas xurídicas positivas: Concepto, estrutura, clases e carácteres. O principio de xerarquía normativa. A persoa en sentido xurídico: Concepto e clases; o seu nacemento e extinción; Capacidade xurídica e capacidade de obrar. Adquisición, conservación e perdida da nacionalidade española. O domicilio. A veciñanza civil.
• Tema 02: Dereito penal: Concepto. Principios informadores do dereito penal. A infracción penal: o delito e a falta. Concepto material de delito. Graos de execución do delito. Persoas criminalmente responsables dos delitos e faltas. As consecuencias xurídicas da infracción penal. Vixencia temporal e espacial da lei penal. A idade penal e os seus efectos.
• Tema 03: Noción de dereito procesual penal. Concepto de xurisdición e de competencia. Os órganos da xurisdición penal. Concepto de denuncia e a obrigación de denunciar. A detención: Concepto e duración. A obrigación de deter. Os dereitos do detido. O procedemento de habeas corpus. O Ministerio Fiscal: Funcións.
• Tema 04: Constitución Española (I): Estrutura e carácteres da Constitución española de 1978. Os valores da Constitución. Os principios do réxime constitucional: Estado democrático, Estado de dereito, Estado social, Monarquía parlamentaria e Estado autonomista. Os dereitos e deberes fundamentais establecidos na Constitución: especial referencia aos dereitos fundamentais e liberdades públicas así como ás garantías dos mesmos e á suspensión dos dereitos e liberdades. O Defensor do Pobo.
• Tema 05: A Constitución Española (II): Da Coroa. Das Cortes Xerais. Do Goberno e a Administración. Das relacións entre o Goberno e a Cortes xerais. Do Poder xudicial. Da organización territorial do Estado. Do Tribunal Constitucional. Da reforma constitucional.
• Tema 06: A organización e funcionamento da Administración Xeral do Estado: Principios de organización, funcionamento e relacións cos cidadáns; órganos superiores e órganos directivos na organización central. O Goberno: Composición, organización e funcións; o Goberno en funcións.
• Tema 07: Os funcionarios públicos: Concepto e clases. Adquisición e perda da condición de funcionario.
• Tema 08.- A Lei orgánica 2/1986 de 13 de Marzo.- Dos Corpos e Forzas de seguridade:
• Disposicións xerais; principios básicos de actuación; disposicións estatutarias comúns.- Das Forzas e Corpos de Seguridade do Estado: Os dereitos de representación colectiva; o Consello de Policía; organización das unidades de Policía Xudicial; das Policías das Comunidades Autónomas; da colaboración e coordinación entre o estado e as Comunidades Autónomas; Policías Locais.
• Tema 09: O Ministerio do Interior: estrutura orgánica básica. A Secretaría de Estado de Seguridade: Estrutura e funcións.
• Tema 10: A Dirección Xeral da Policía: Estrutura orgánica e funcións dos servizos centrais e periféricos. O Corpo Nacional de policía: Funcións, escalas e categorías; sistemas de acceso; réxime disciplinario; situacións administrativas.
• Tema 11: Medidas de protección integral contra a violencia de xénero. Principios reitores. Prevención e detección. Dereitos das mulleres vítimas de violencia de xénero. Tutela institucional: especial referencia ás unidades especializadas na prevención nas Forzas e Corpos de Seguridade. Marco normativo e actuacións encamiñadas a favorecer a igualdade entre homes e mulleres.
• Tema 12: A Unión Europea: Referencia histórica. O dereito derivado. Institucións máis importantes da Unión Europea. A cooperación policial internacional.

B) CIENCIAS SOCIAIS

• Tema 13: Dereitos Humanos. Declaración Universal de Dereitos Humanos. Convenio europeo para a protección dos Dereitos Humanos e Liberdades fundamentais. Dereitos fundamentais recollidos na nova Constitución Europea.
• Tema 14: Globalización e antiglobalización. Conceptos e características. Consecuencia da globalización. Reaccións á globalización.
• Tema 15: Socialización: transmisión de valores na sociedade actual. Liberdade-responsabilidade. Igualdade- solidariedade. Tolerancia. Contravalores, reaccións sociais aos valores maioritarios: racismo, fanatismo, fundamentalismo, sectarismo, hooliganismo.
• Tema 16: Actitudes e valores sociais. As actitudes: concepto, compoñentes e funcións. Estereotipos, prexuízos e discriminación. Actitudes da personalidade autoritaria: xenofobia e dogmatismo. Os grupos sociais. O conflito entre grupos.
• Tema 17: Inmigración. Movementos migratorios: Concepto e causas das migracións. Tipos e efectos. As grandes migracións a través da historia. As migracións na actualidade. Problemática da integración.
• Tema 18: A cidade como fundamento do cambio social. Poboación e grupos sociais. Sectores da poboación marxinal. O fenómeno da urbanización. A sociedade de masas. O home e o equilibrio ecolóxico. A contaminación e a protección do medio ambiente.
• Tema 19: A seguridade. Concepto. Seguridade individual e seguridade colectiva. A inseguridade. Políticas de seguridade. Inadaptación, marxinalidade e delincuencia: concepto, modelos explicativos e clases de delincuencia.
• Tema 20: Drogodependencias. Conceptos de droga, consumidor, métodos de administración, adicción, dependencia, tolerancia, politoxicomanías. Clasificación das drogas.

C) MATERIAS TÉCNICO-CIENTÍFICAS

• Tema 21: A electrónica. Concepto de compoñentes electrónicos.- Transmisións: As ondas electromagnéticas. Modulación e transmisión. Medios de transmisión. Utilización básica dun sistema de comunicacións. Transmisións dixitais e transmisións analóxicas.
• Tema 22: Partes e funcións básicas dun computador. Sistema operativo Windows. Definición e funcionamento básico, iconas e obxectos, xestión de unidades de disco, organización dos datos en discos, o escritorio: partes e o seu funcionamento, o explorador de Windows, a papeleira de reciclaxe, o panel de control, accesorios.
• Tema 23: Procesador de textos Microsoft Word: elementos básicos, o axudante, operacións básicas, formato de carácter, parágrafo e páxina, corrección dun texto, impresión, columnas, tabulacions, táboas, gráficos.
• Tema 24: Introdución ás redes informáticas e tipos. Internet e Intranet. O navegador Internet Explorer: coñecemento básico.
• Tema 25: orixe das armas de fogo. Armas de antecarga e de retrocarga. Clasificación e definición das armas de fogo. Cartucho metálico e semimetálico: definición e compoñentes. Armas prohibidas. Documentación que ampara a tenencia e porte de armas.

ANOTACIÓNS DE INTERESE

Normalmente seguen un calendario e orde nas probas, adoita saír a convocatoria en Maio, a primeira proba adoita ser a de coñecementos sobre Novembro, as físicas cara finais de ano e dende Xaneiro ata Xuño están a facer as entrevistas persoais.

Última convocatoria: BOE do 20 de maio de 2010.

Prazas:

Ano 2007, o nº de prazas nas oposicións á Escala Básica do Corpo Nacional de Policía foron de 5500 reducíndose no

Ano 2008 a 5000 prazas, no

Ano 2009 a 1949 prazas, pero a reducción máis drastica produciuse no

Ano 2010 con 369 prazas convocadas.

Aínda así seguen sendo unhas oposicións interesantes xa que ata o de agora se convocaron todos os anos.

CONVOCATORIAS

CONVOCATORIA 2011

CATEGORIA	Nº DE PRAZAS	TITULACIÓN REQUERIDA	DATAS DE INTERESE
POLICA ESCALA BÁSICA	153 PRAZAS Oposición Libre	Título de Graduado en Educación Secundaria o Equivalente	Publicación oferta no BOE do 1 de marzo de 2011
POLICIA ESCALA EJECUTIVA	75 PRAZAS Oposición Libre	Titulación Universitaria	Publicación oferta no BOE do 1 de marzo de 2011

---