Sergas>Ténicos especialistas de labaratorio (Grupo C)

Ténicos especialistas de labaratorio (Grupo C)

REQUISITOS
PROCESO SELECTIVO
TEMARIO
CONVOCATORIAS

Resolución do 18 de febreiro de 2009, da Secretaría Xeral do Servizo Galego de Saúde, pola que se convoca concurso-oposición para o ingreso en diversas categorías de persoal estatutario.

REQUISITOS

a) Ser español ou nacional dun país membro da U.E.

b) Ter cumpridos 16 anos de idade e non alcanzar a idade de xubilación forzosa.

c) Posuir o título de Técnico Especialista ou Técnico Superior na correspondente Rama Sanitaria.

d) Non padecer enfermidade nin estar afectado por limitación física ou psíquica incompatible co desempeño das correspondentes funcións.

e) Non estar separado do servizo de ningunha Administración Pública en virtude de expediente disciplinario nin estar inhabilitado por sentenza firme para o exercicio de funcións públicas.

PROCESO SELECTIVO

1º Exercicio: (eliminatorio).

Consistirá na realización, en unidade de acto, dun único exercicio con dúas partes diferenciadas, nun prazo máximo de 180 minutos:

Contestación por escrito de 50 preguntas tipo test con catro respostas alternativas, máis 5 preguntas de reserva, sobre o contido da parte específica do programa.
Contestación por escrito de 50 preguntas tipo test con catro respostas alternativas, máis 5 preguntas de reserva, de supostos prácticos sobre os temas da parte específica do programa con contido relacionado coas competencias profesionais da categoría.

Este exercicio será valorado de 0 a 50 puntos.

Para superar este exercicio deberá alcanzarse unha puntuación do 50% do valor deste.

2º Exercicio (obrigatorio e non eliminatorio).

Consistirá na contestación por escrito dun cuestionario de 10 preguntas tipo test con catro respostas alternativas, máis 2 preguntas de reserva, sobre o contido da parte común do programa (temas un a oito, inclusive), nun prazo máximo de 15 minutos.

Este exercicio será valorado de 0 a 5 puntos.

De conformidade co establecido no artigo 35 do Decreto lexislativo 1/2008, do 13 de marzo, polo que se aproba o texto refundido da Lei da función pública, este exercicio deberá realizarse exclusivamente en lingua galega.

3º Exercicio (obrigatorio e non eliminatorio).

Consistirá na contestación por escrito dun cuestionario de 10 preguntas tipo test con catro respostas alternativas, máis 2 preguntas de reserva, mediante o que se evidencie o coñecemento por parte dos/as aspirantes da lingua galega nun prazo máximo de 15 minutos.

Este exercicio será valorado de 0 a 5 puntos.

Nota: En cada un dos exercicios as respostas correctas puntuarán positivamente, as non contestadas non terán valoración ningunha e as contestadas erróneamente serán penalizadas co cuarto do valor asignado á contestación correcta.

TEMARIO

Parte común

Tema 1.-A Constitución española: principios fundamentais, dereitos e deberes fundamentais dos españois. A protección da saúde na Constitución.

Tema 2.-Estatuto de autonomía de Galicia. Estrutura e contido. O Parlamento. A Xunta e o seu presidente. A Administración pública galega.

Tema 3.-A Lei xeral de sanidade: fundamentos e características. Competencias das administracións públicas en relación coa saúde. Dereitos e deberes dos usuarios do sistema sanitario público.

Tema 4.-O Estatuto marco do persoal estatutario dos servizos de saúde. Clasificación do persoal estatutario. Dereitos e deberes. Adquisición e perda da condición de persoal estatutario fixo. Mobilidade do persoal. Xornada de traballo, permisos e licenzas. Situacións do persoal estatutario. Réxime disciplinario. Incompatibilidades. Representación, participación e negociación colectiva.

Tema 5.-O persoal estatutario do Servizo Galego de Saúde. Provisión e selección de prazas. Réxime retributivo. Xornada de traballo. Permisos e licenzas.

Tema 6.-A Lei de ordenación sanitaria de Galicia. O sistema sanitario de Galicia. Competencias sanitarias das administracións públicas de Galicia. O Servizo Galego de Saúde.

Tema 7.-A atención primaria da saúde: concepto e características xerais. A ordenación da atención primaria na Comunidade Autónoma de Galicia. Órganos de dirección. Asistencia especializada: concepto e características xerais. A ordenación da atención especializada na Comunidade Autónoma de Galicia. Órganos de dirección.

Tema 8.-Saúde laboral: concepto. Principais riscos nas IISS e medidas de prevención. Principios básicos do Plan Xeral de Prevención de Riscos Laborais do Sergas.

Parte específica.

Tema 9.-Principios fundamentais da bioética: aspectos éticos do traballo do técnico especialista en laboratorio. O segredo profesional: concepto e regulación xurídica.

Tema 10.-Calidade no Sistema Nacional de Saúde: características da atención sanitaria. Avaliación da calidade: estrutura, proceso e resultado aplicado á unidade. Servizo de laboratorio. Sistemas de control da calidade internos e externos.

Tema 11-Metodoloxía de investigación. Técnicas cuantitativas e cualitativas. Fontes de datos. Estudos descritivos e analíticos en laboratorio. Estudos de proceso e resultado. O papel do técnico especialista.

Tema 12.-Epidemioloxía e método epidemiolóxico. Epidemioloxía das enfermidades transmisibles. Infección nosocomial: barreiras hixiénicas. Consecuencias das infeccións nosocomiais. Xestión de residuos sanitarios: clasificación, transporte, eliminación e tratamento.

Tema 13.-Asepsia e esterilización. Concepto de sepse, antisepsia, esterilización e desinfección.

Manexo de materiais estériles. Risco no uso de substancias químicas. Efectos tóxicos dos disolventes orgánicos.

Tema 14.-Programas de mantemento de equipamentos e material da unidade/servizo. Xestión do almacenamento e reposición do material utilizado na unidade/servizo.

Tema 15.-Documentación que manexa o técnico de laboratorio: criterios para cubrila. Circuítos da información. Atención ao paciente: requisitos de preparación, información sobre as probas analíticas e a recollida de mostras.

Tema 16.-Mostras biolóxicas humanas: substancias analizables. Determinación analítica. Recollida, conservación e transporte de mostras para o seu procesamento. Características xerais destas. Normas de seguridade no manexo. Equipamentos e reactivos. Criterios de exclusión e rexeitamento das mostras.

Tema 17.-Microscopios: fundamentos, propiedades ópticas e elementos. Tipos de microscopia: campo luminoso, campo escuro, luz ultravioleta, fluorescencia, contraste de fase e de transmisión electrónica.

Tema 18.-Sangue: composición e fisioloxía. Fisiología e metabolismo eritrocitario: reconto hemacias, anormalidades morfolóxicas eritrocitarias, metabolismo do ferro e a hemoglobina. Patoloxías do sistema eritrocitario: alteracións cuantitativas e cualitativas, probas analíticas para o diagnóstico e seguimento destas patoloxías.

Tema 19.-Fisioloxía e morfoloxía do sistema leucocitario: reconto e clasificación dos leucocitos, técnicas histoquímicas e inmunolóxicas de identificación leucocitaria. Patoloxías do sistema leucocitario: alteracións cuantitativas e cualitativas, probas analíticas para o diagnóstico e seguimento destas patoloxías.

Tema 20.-Fisioloxía e morfoloxía das plaquetas: reconto e alteracións morfolóxicas das plaquetas. Patoloxías do sistema plaquetario: alteracións cuantitativas e cualitativas, probas analíticas para o diagnóstico e seguimento destas patoloxías.

Tema 21.-Fisioloxía e morfoloxía da coagulación: mecanismo de coagulación, fibrinolise, métodos e instrumentos para a análise da formación e destrucción do coágulo, alteracións da hemostasia, probas analíticas para o diagnóstico e seguimento de alteracións da hemostasia.

Tema 22.-Inmunoloxía celular: antíxeno e anticorpo. Reacción antíxeno-anticorpo e síntese de anticorpos. Sistemas do complemento. Antíxenos de histocompatibilidade. Mecanismos da resposta inmune.

Tema 23.-Antíxenos e anticorpos eritrocitarios, leucocitarios e plaquetarios. Sistema ABO. Sistema Rh. Outros sistemas. Compatibilidade eritrocitaria entre doador e receptor. Técnicas de fraccionamento, separación e conservación de hemoderivados.

Tema 24.-Microbioloxía: características diferenciais de bacterias, fungos, parasitos e virus. Técnicas de observación. Tipos de tinguiduras.

Tema 25.-Características do crecemento dos microorganismos. Medios de cultivo para crecemento e illamento primario. Características e clasificación dos medios de cultivo. Técnicas de inoculación, illamento e recontos celulares bacterianos.

Tema 26.-Características dos microorganismos implicados en procesos infecciosos: cocos gram positivos e gram negativos. Bacilos gram positivos e gram negativos. Aerobios e anaerobios. Micobacterias: medios de cultivo e identificación. Patoloxía e tipos de tuberculose: probas de laboratorio.

Tema 27.-Probas de sensibilidade aos antimicrobianos: tipos, interpretación. Concepto de resistencia antibacteriana. Probas de dilución e sensibilidade por dilución.

Tema 28.-Micoloxía: clasificación, illamento e exame dos fungos. Diagnóstico micolóxico de laboratorio. Parasitoloxía e métodos de identificación.

Tema 29.-Viroloxía: métodos de cultivo e identificación. VIH ou sida. Patoxenia. Diagnóstico de laboratorio da infección por VIH. Tema 30.-Bioquímica: medidas de analitos por fotometría, espectrofotometría. Medición do pH. Técnicas cuantitativas de valoración. Estudo do equilibrio hidroelectrolítico e ácido base. Determinación de ións, pH, e gases en sangue arterial.

Tema 31.-Proteínas séricas: métodos de determinación. Separación de fraccións proteicas. Electroforesis. Interpretación de proteinograma.

Tema 32.-Funcións das lipoproteínas plasmáticas. Técnicas para o análise do colesterol. Análise de triglicéridos. Método analítico para o estudo de HDL e LDL.

Tema 33.-Enzimas: métodos de análise de enzimas en fluídos biolóxicos e patróns da alteración enzimática.

Tema 34.-Tipos de marcadores tumorais. Estudo e determinación de marcadores tumorais en sangue. Marcadores tumorais máis utilizados. Neoplasias e marcadores tumorais.

Tema 35.-Anatomía e fisioloxía hepática. Determinacións analíticas para o estudo da función hepática. Marcadores séricos da enfermidade hepática.

Tema 36.-Anatomía e fisioloxía endócrina. Probas analíticas para o estudo da función endócrina. Marcadores séricos da enfermidade endócrina.

Tema 37.-Estudo das feces: características organolépticas das feces e determinación de substancias eliminadas polas feces. Estudo da urina: fisiopatología da urina e determinación de substancias eliminadas por urina. Análise do sedimento urinario.

Tema 38.-Nocións básicas de informática: concepto do procesador de textos, bases de datos e correo electrónico. Intranet: concepto.

CONVOCATORIAS

CONVOCATORIA 2011

CATEGORIA	Nº DE PRAZAS	TITULACIÓN REQUERIDA	DATAS DE INTERESE
TÉCNICO DE LABORATORIO		Técnico Superior na correspondente rama sanitaria	Abril 2011

IMPORTANTE: Os grupos constituiranse por estrita orde de reserva, polo tanto tendo en conta que as prazas son limitadas, en caso de estar interesado/a deberías reservar praza á maior brevidade posible, sobre todo se queres un preparador ou preparadora específico.

Nós Oposicións 2008-2012 Deseño web: Argos-Galaica